ഹരിപ്പാട്: സ്കൂട്ടറിൽ ബൈക്കിടിച്ച് പരിക്കേറ്റ് ചികിത്സയിലായിരുന്ന വിമുക്തഭടൻ മരിച്ചു. കരുവാറ്റ ശ്രീമംഗലത്ത് രാമസ്വാമി -ലീലമ്മാൾ ദമ്പതികളുടെ മകൻ ഹരികൃഷ്ണൻ (48) ആണ് മരിച്ചത്. തെരഞ്ഞെടുപ്പിന്റെ പിറ്റേന്ന് രാത്രി 10ന് ദേശീയപാത 66ൽ കരുവാറ്റ ടിബി ജംഗ്ഷനു തെക്ക് ശക്തി ഹോട്ടലിന് സമീപത്ത് ഇദ്ദേഹം സഞ്ചരിച്ചിരുന്ന സ്കൂട്ടറിൽ ബൈക്ക് ഇടിക്കുകയായിരുന്നു.
സാരമായി പരിക്കേറ്റ ഇദ്ദേഹം തിരുവല്ലയിലെ സ്വകാര്യ ആശുപത്രിയിൽ ചികിത്സയിലിരിക്കെ ശനിയാഴ്ച വെളുപ്പിനെ മരണപ്പെട്ടു. മൃതദേഹം ഇന്നു രാവിലെ 10ന് വീട്ടുവളപ്പിൽ സംസ്കരിക്കും. ഭാര്യ: ശ്രീദേവി (വിദ്യാഭ്യാസ വകുപ്പ് അമ്പലപ്പുഴ) മകൻ: അരവിന്ദ്.